/img/tv1.svg
RU KZ
Емханаға тіркелу құқығы: Дәрігерлерге артық жүктеме артылуы мүмкін

Емханаға тіркелу құқығы: Дәрігерлерге артық жүктеме артылуы мүмкін

Алайда зейнеткерлер мен мүгедектігі бар адамдарға ғана өтінішті өз қолымен жазып өткізуіне болады.  

16 Қыркүйек 2020 22:59 258

Емханаға тіркелу құқығы: Дәрігерлерге артық жүктеме артылуы мүмкін

Мұны емханадағылардың бірі білсе, бірі білмейтін болып шықты , деп хабаралайды Atameken Business.  

Жалпы, еркін тіркелу кезінде азаматтардың дені емхананың статусына қарап өтініш беріп жатады, бұл өз кезегінде дәрігерлер жүктемесін еселей түсуі ықтимал. Сондықтан мамандар әркім өз үйіне жақын емханаға тіркелгені жөн дейді. Мысалы шаһардағы №8 емханаға ұзын саны 41 учаске қарайды. Ондағы тұрғындарға бар-жоғы  38 дәрігер қызмет көрсетеді.

Ақтөбеде қайтыс болған оқушының бауырлары да ауруханаға түсті

14 Қараша 2018 17:38 583

Ақтөбеде жедел жәрдем жеткенше мектеп оқушысы Інжу Жанкина қаза болған еді. Қазір оның екі бауыры ауруханада жатыр, деп хабарлайды ҚазАқпарат.

Ақтөбе қаласындағы балалар клиникалық ауруханасына Інжу Жанкинаның екі бауыры түсті. Қазір 2 жастағы Тарғын мен 4 жастағы Нұрбақыт ем қабылдап жатыр. Олардың да аяқ-қолы құрысып, мазасындана бастаған.

«Балаларым бауырының өлімін өз көзімен көрген соң көп жылап жүр. Тіпті, Нұрбақыт «Інжуді алып кел, ол тірі» деп жиі айтады, мені жұмсайды. Ауырып емхана барған кезде бізді ауруханаға жіберді. Қазір балалардың жанында әкесі бар», - деді анасы Динара Баймағамбетова.

Ауруханаға «аяқ-қолы құрысады» деп түскен балалар қазір дәрігерлердің бақылауына алынды. Балалардың жағдайы - орташа ауыр. 

«Балаларға диагностикалық тексеру жүріп жатыр. Аяқ-қолы құрысу белгілері байқалмайды, жағдайлары орташа ауыр. Педиатр да қарап шықты. Бұрыннан қаныаздық белгілері бар. Келесі аптада үйлеріне жіберілуі мүмкін. Негізі құрысу белгілерінің себебі көп. Әзірге нақты себебін айта алмаймыз», - деді аурухананың бас дәрігері Наталья Головырина.

Еске салсақ, 7 жастағы Інжу Жанкина жедел жәрдем жетпей үйінде көз жұмды.  Кейін облыстық денсаулық сақтау басқармасы комиссия құрып, жедел жәрдемнің кеш жеткенін мойындады. 

Астанадағы перзентхананың дәрігерлері Израильге оқуға барады

Шетелдік мамандар осы жылдың шілде айында Астанада босандыру қызметінің медициналық персоналына шеберлік сабағын өткізу үшін шақырылған болатын.

07 Қараша 2018 09:29 506

Бүгін Астанада ана мен балаға қызмет көрсетуді тұрақтандыру мәселесі бойынша брифинг өтті, деп хабарлайды елорда әкімдігінің ресми сайты.

Жиында Астана қоғамдық денсаулық сақтау басқармасы басшысының орынбасары Әлия Рүстемова, Ана мен бала денсаулығы бөлімінің басшысы Сәуле Мұқышева, елорданың штаттан тыс бас акушер-гинекологы Иван Коркан мен № 3 перинаталды орталықтың бас дәрігері Зайтуна Хамидуллина спикер ретінде қатысып сөз сөйледі. 

Кездесу барысында Әлия Рүстемова Астана перинаталды орталығы мен Израилдік дәрігерлер арасындағы әріптестіктің кеңейтіліп жатқаны туралы хабарлады.

 «Біздің акушер-гинекологтарымызды, анестезиолог-реаниматологтарымызды оқыту үшін Израильден мамандар келді. 18 қарашада акушер-гинекологтар, анестезиолог-реаниматологтардың тобы Израильге оқуға барып келеді. Ол үшін жергілікті бюджеттен 100 млн теңге бөлінеді. Бұл – босандыру қызметі мамандарын ғана оқытуға арналған қаражат», - деп атап өтті Әлия Рүстемова. 

Шетелдік мамандар осы жылдың шілде айында Астанада босандыру қызметінің медициналық персоналына шеберлік сабағын өткізу үшін шақырылған болатын. Бұдан кейін екі жақ оқыту семинарлары мен консультативті-диагностикалық жәрдем шараларын өткізу саласында өзара ынтымақтастық жөніндегі келісім-шартқа қол қойды.