2020 жылдың қаңтарында елімізде жан басына шаққандағы ең төменгі күнкөріс деңдейі 30 мың теңгені құрады, деп хабарлады Finprom.kz.
Бұл бір жыл бұрынғы көрсеткіштен 11,6%-ға жоғары. Өткен жылдың сәйкес кезеңінде ең төменгі күнкөріс деңгейі 26,9 мың теңге болатын.
Бұл ретте жыл басында тауарлар мен қызмет көрсету бағасы 5,6%-ға өскен. Оның ішінде азық-түлік 9,2%-ға, азық-түлікке жатпайтын тауарлар 5,2%-ға, ақылы қызметтер 1,4%-ға қымбаттаған.
Еліміздегі төменгі күнкөріс деңгейі ең жоғары өңір – Маңғыстау облысы. Аталған аймақтың көрсеткіші – 35,4 тыс теңге. Бұл орта респуликалық деңгейден 18%-ға жоғары. Одан кейінгі орында Нұр-Сұлтан (33,5 мың теңге) және Алматы (33,1 мың теңге). Бұл өңірлердің көрсеткіші орта республикалық деңгейден 11,6%-ға және 10,4%-ға жоғары. Ал Павлодар (26,3 мың теңге), БҚО (26,9 мың теңге) мен Ақтөбе (27,2 мың теңге) облыстарында аталға көрсеткіш ең төмен болып есептеледі.
