/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,81 Brent 36,55
Ең төменгі күнкөріс мөлшері орта есеппен 34 мың теңгеге жетті

Ең төменгі күнкөріс мөлшері орта есеппен 34 мың теңгеге жетті

Өңірлер бойынша салыстырсақ, ең жоғарғы күнкөріс мөлшері Маңғыстау облысында тіркелген – 39 мың 900 теңге.

08 Шілде 2020 14:47 194

Ең төменгі күнкөріс мөлшері орта есеппен 34 мың теңгеге жетті

Ең төменгі күнкөріс мөлшері орта есеппен 34 мың теңгеге жетті. Бұл өткен жылдың шілде айынан 14%-ға жоғары. Дегенмен, инфляцияның өсуінен оның құны жоғалмақ. Ұлттық банктің дерегінше, қазір ол 7% шамасында тұр.

Коронадағдарыс кесірінен жыл соңында инфляция 9-11%-ға дейін барады деп күтілген. 34 мың теңгенің 55%-ы, яғни 18 мың 700 теңгесі азық-түлік себетіне, 15 мың 300 теңгесі тұрмыстық қажеттіліктер мен коммуналдық қызмет ақысын төлеуге жұмсалады деп есептелген.

Өңірлер бойынша салыстырсақ, ең жоғарғы күнкөріс мөлшері Маңғыстау облысында тіркелген – 39 мың 900 теңге. Жылдық өсім – 8,2% тең. Екінші орында Нұр-Сұлтан – 39 мың 500 теңге. Үштікті Алматы 37 мың 300 теңгемен түйіндейді. Ал аутсайдерлер қатарында Батыс Қазақстан, Жамбыл және Ақтөбе облыстары бар. Atameken Business бейнематериалында:

Теңгенің еркін айналымда болғаны тиімді ме?

Ұлттық экономика министрі Руслан Дәленовтың айтуынша, сұраныс пен ұсыныс валютаның бағамын анықтайды.  

11 Қыркүйек 2019 22:29 402

Теңгенің еркін айналымда болғаны тиімді ме?

Отандық өнімның бәсекеге қабілеттілігін арттыру үшін арнайы жоба әзірленіп жатыр, деп хабарлайды КТК телеарнасы.

«Егер қазіргідей жағдайда валютаны қандай да бір дәлізде ұстайтын болса, оның дұрыстығына күмәнмен қарап отырады. Мұндай жағдайда керісінше, валютаны сатып алған жөн. Өйткені ол өзгеруі мүмкін. Сондықтан менің ойымша, валютаның еркін айналымда болғаны дұрыс» - дейді Руслан Дәленов.

Сондай-ақ, министр әлемдік инфляцияны тежеуге болмайтынын айтты. Керісінше, ел ішіндегі құнсыздану мен күресуіміз керек дейді. Оның екі жолы бар: біріншісі – ішкі өнімнің өндірісін арттыру. Импортқа тәуелділіктен құтылу. Алғашқысын жолға қою үшін «Қарапайым заттар экономикасы» жобасы қолға алынды. Осы мақсатта бизнеске 600 млрд теңге бөлінді. Сөйтіп, кәсіпкерлер күнделікті сұранысқа ие тауарларды көптеп шығаруы тиіс. Отандық өнімның бәсекеге қабілеттілігін арттыру үшін арнайы жоба әзірленіп жатыр. Бірақ Ұлттық экономика министрі жоспарын жұртқа қашан жариялайтыны белгісіз.
 

6 облыста экономикалық өсім бар – Асқар Мамин

Үкімет отырысында 2019 жылғы қаңтар-тамыздағы еліміздің әлеуметтік-экономикалық дамуының және республикалық бюджеттің орындалуының қорытындылары қаралды.

10 Қыркүйек 2019 11:41 679

6 облыста экономикалық өсім бар – Асқар Мамин

2019 жылғы қаңтар-мамырда халықтың жан басына шаққандағы орташа атаулы ақшалай табысы 486 мың теңгені құрады, 2018 жылдың сәйкес кезеңімен салыстырғанда атаулы мәнінде 10,8%-ға, нақты мәнінде 1,7%-ға өсті. Бұл туралы үкімет отырысында айтылды, деп хабарлайды primeminister.kz.

2019 жылдың қаңтар-тамыз айларында ЖІӨ өсімі 2018 жылдың сәйкес кезеңімен салыстырғанда 4,3% құраған.

«Құрылыста – 11,8%, саудада – 7,6%, көлік саласында – 5,5%, ауыл шаруашылығында – 3,6%, байланыс қызметінде – 3,4%, өңдеу өнеркәсібінде, оның ішінде машина жасауда – 18%, жеңіл өнеркәсіпте – 17,4%, түсті металдарды өндіруде – 17,9%, мұнай өңдеу 6,2% оң өсім динамикасы байқалды», – делінген ҰЭМ статистикасында.

Үшінші ай қатарынан инфляция 0,2% төмен деңгейінде сақталды. Жылдық инфляция мақсаттық дәліз шегінде тұр және 5,5% құрады.

ҚР премьер-министрі Асқар Мамин негізгі көрсеткіштер бойынша экономикалық өсім Атырау, Қарағанды, Қызылорда, Түркістан, Шығыс Қазақстан және Солтүстік Қазақстан облыстарында байқалатынын атап өтті.

Үкімет басшысы Маңғыстау, Қызылорда, Батыс Қазақстан облыстарында, Нұр-Сұлтан және Шымкент қалаларында құрылыс, инвестициялар, өнеркәсіп, ауыл шаруашылығы және тұрғын үйлерді пайдалануға беру көрсеткіштерінің төмендеуіне қатысты жағдайды қысқа уақыт ішінде түзеуді тапсырды.