Хабарламаға сүйенсек, Тілеубаев Нұрлан Сақтапбергенұлы ("Forbes" журналының нұсқасы бойынша Қазақстанның ең ықпалды бизнесмендерінің қатарында) 2012-2017 жылдар аралығында қайтарымсыз кредиттер беру арқылы банктен ақша шығарып алып отырған.
"Тергеу барысында күдіктілер мен олардың жақын туыстарының жалпы сомасы 48 млрд болатын 5 қант зауытына, 20-дан астам жер теліміне, 70 жылжымайтын мүлкіне және 40 автокөлік құралына тыйым салынды. Соның ішінде Біріккен Араб Әмірліктерінде, Ресей Федерациясында, Латвия және Чех республикаларында орналасқан активтерге тыйым салынды", – деп жазылған хабарламада.
Қылмыстық әрекеттен келген залал 200 млрд теңге, 200 млн АҚШ доллары және 4 млн еуродан асады.
Қылмыстық іс сотқа жолданған, айыпталушылар қамауда.
Фото: fergananews.com
