434,3 мың адам жұмысқа орналастырылып, оның 315,3 мыңы тұрақты жұмысқа тұрған.
"Бағдарламаның бірінші бағыты аясында қысқа мерзімді курстарға 16,9 мың адам, ТжКБ бойынша оқуға 15 мың адам жіберілді. 8 мыңнан астам адам өз ісін ашу үшін жеңілдікті микрокредиттер, ал 22,8 мыңы қайтарымсыз мемлекеттік грант алды. Субсидияланатын жұмыс орындарына 172,8 мың адам жұмысқа орналастырылды, оның ішінде: әлеуметтік жұмыс орындарына 17,9 мың адам; жастар практикасына – 25,4 мың адам; қоғамдық жұмыстарға – 129,5 мың адам",- деп жазылған министрліктің хабарламасында.
Еңбек ресурстарының ұтқырлығы шеңберінде 1 814 отбасы немесе 6 102 адам қоныс аударған, оның ішінде 2 610 адам еңбекке қабілетті жаста. Олардың 1 866-сы жаңа тұрғылықты жерінде тұрақты жұмысқа орналастырылған. 130 адам кәсіпкерлік қызметпен айналысады, 8 адам оқуға жіберілген.
Естеріңізге сала кетейік, 2020 жылы "Еңбек" мемлекеттік бағдарламасына 649 мың адам қатысқан болатын. 437,3 мың адам жұмысқа орналастырылып, оның 319,2 мыңы тұрақты жұмысқа тұрған.
