RU KZ
Еңбек қауіпсіздігіне қатысты құжат қабылданды

Еңбек қауіпсіздігіне қатысты құжат қабылданды

03 Желтоқсан 2020 12:21 184

Еңбек қауіпсіздігіне қатысты құжат қабылданды
Сенатта «Қазақстан Республикасының кейбір заңнамалық актілеріне персонал беру жөніндегі қызметтерді көрсету мәселелері бойынша өзгерістер мен толықтырулар енгізу туралы» заң екі оқылымда қаралып, қабылданды.

Сенатор Ақмарал Әлназарованың айтуынша, құжат персонал беру жөніндегі қызмет көрсету саласын құқықтық реттеуді қамтамасыз етуді, осыған қатысты шарт жасау тәртібін айқындауды, тараптардың еңбек қауіпсіздігі мен еңбекті қорғау саласындағы құқықтары мен міндеттерін белгілеуді көздейді. 

«Заң жобасына жұмыскерлерге еңбекақы төлеу және сыйлықақы беру жүйесін нақтылау, өндірістегі жазатайым оқиғаларды тергеп-тексеру тетігін ретке келтіру, қызметкерлерді, оның ішінде зиянды және қауіпті еңбек жағдайында өндірісте жұмыс істейтін адамдарды әлеуметтік қорғау мәселесін шешу міндеті жүктелген», – деді депутат. 

Қанат Махамбет