Air Astana компаниясының Алматы-Лондон бағытындағы рейсі биылғы 4 қазаннан бастап ұшады, деп хабарлайды inbusiness.kz сайты.
"Air Astana Airbus-пен серіктесіп, Airbus A321LR ұшағына қосымша отын бактарын орната отырып, өзінің алыс магистральді рейстерінің тиімділігін арттырады. Бұл техникалық аялдауларсыз алыс қашықтыққа қонбай ұшуға мүмкіндік береді. 4 қазаннан бастап әуекомпания 2022 жылдан бастап Ақтауға техникалық аялдамамен орындалатын Алматы-Лондон бағыты бойынша қонбастан ұшуларды қайта бастауды жоспарлап отыр. Ұшу уақыты 1,5 сағатқа азайып, 9 сағат 35 минутты құрайды", - делінген әуе компаниясы таратқан хабарламада.
Бұл жаңашылдық операциялық тиімділікті арттыру бойынша Air Astana-ның ұзақ мерзімді стратегиясының негізгі құрамдас бөлігі болады.
