6 қыркүйекте Мексикада аборт жасау процедурасы бүкіл ел бойынша Жоғарғы соттың шешімімен қылмыс санатынан алынып тасталды.
Сот жүктілікті 12 аптаға дейін жасанды түрде тоқтатқаны үшін жазалар Конституцияға қайшы келеді және адам құқықтарын бұзады деп шешті, деп жазады Inbusiness.kz.
"Соттың бірінші палатасы федералды қылмыстық кодексте түсік жасатқаны үшін жазаны қарастыратын құқықтық жүйе Конституцияға қайшы келеді деп шешті, өйткені ол әйелдер мен бала көтеруге қабілетті адамдарға қатысты адам құқықтарын бұзады", — делінген Жоғарғы Соттың X әлеуметтік желісіндегі (бұрынғы Twitter) хабарламасында.
El País газетінің хабарлауынша, Шешім бірауыздан қабылданған. Жоғарғы Соттың қаулысы федералды деңгейде елдің медициналық мекемелерінде түсік жасатуға тыйым салатын заңдардың күшін жояды.
