Энергетика министрлігінің бөлшек саудада өткізілетін мұнай өнімдеріне шекті бағаларды белгілеу туралы бұйрығы шықты, деп жазады inbusiness.kz Ашық НҚА сайтына сілтеме жасап.
Бензин бойынша (1 литр үшін):
- Аи-80 маркалы бензин –89 теңге;
- Аи-92 және Аи-93 маркалы бензин Қостанай, Солтүстік Қазақстан облыстарында – 187 теңге, қалған өңірде – 182 теңге.
Дизель бойынша (1 литр үшін):
- Ақмола, Ақтөбе, Шығыс Қазақстан, Батыс Қазақстан, Қостанай, Солтүстік Қазақстан, Абай облыстарында республика азаматтары үшін (жеке куәлігін көрсеткен кезде және тәулігіне 100 литрге дейінгі көлемде) – 260 теңге.
- қалған өңірлерде ҚР азаматтары үшін литріне 230 теңге деп белгіленген.
Шетел азаматтары мен 100 литрден астам жанармай құйғысы келетіндер үшін баға 450 теңге деп белгіленген.
Айта кетейік, 2022 жылғы 4 тамызда Қазақстан Республикасы Энергетика министрінің 2015 жылғы 19 мамырдағы "Бағаларына мемлекеттік реттеу белгіленген бөлшек саудада өткізілетін мұнай өнімдеріне шекті бағаларды белгілеу туралы" №361 бұйрығына өзгеріс енгізілді.
