ҚР үкіметінің қаулысымен Мұрат Өтемісұлы Жүребеков Қазақстан Республикасының энергетика вице-министрі лауазымына тағайындалды, деп хабарлайды премьер-министрдің баспасөз қызметі.
Мұрат Жүребеков 1978 жылы Ақтөбе облысында дүниеге келген. Қ.Жұбанов атындағы Ақтөбе мемлекеттік университетін, Қазақстан менеджмент, экономика және болжамдау институтын (іскерлік әкімшілендіру магистрі (МВА), Strathclyde университетін (экономика және басқару магистрі), "Басқарушы қызметкерлерге арналған бағдарлама" мамандығы бойынша Гарвард бизнес мектебін тәмамдаған.
"ҚазТрансГаз" ЖАҚ, "Интергаз Орталық Азия" ЖАҚ, Лондон қаласындағы "Аджип ККО", "ҚазМұнайГаз" ҰК АҚ, "PSA" ЖШС-де қызмет еткен. 2017-2019 жылдары – "PSA" ЖШС бас директоры (Мұнай-газ жобалары бойынша ҚР үкіметінің өкілетті органы).
