ЕО COVID-19 деп аталатын жаңа коронавирустың таралуын тежеуге 232 миллион доллар шығындалмақ. Бұл туралы Еурокомиссия өкілдері мәлімдеді. Одақ билігінің айтуынша, қаражаттың жартысы жақын күндері, ал қалғаны біртіндеп алдағы айларда бөлінетін болады. Ресми дерекке сүйенсек, қаржының бір бөлігі Дүниежүзілік денсаулық сақтау ұйымының бюджетіне салынбақ. Сондай-ақ тағы бір бөлігі денсаулық сақтау жүйесі орташа деңгейдегі елдерге шығындалады.
Нақтырақ айтқанда, ДДҰ-ның бюджетіне Еуроодақ билігі 114 миллион еуро құяды. Ал 100 миллион еуро инфекциялық аурулардың таралуын тоқтату бойынша сынақтардың жүргізілуіне бөлінсе, тағы15 миллионы Сенегалдағы Пастер институтына бұйырмақ.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
