Еуропалық Одақ коронавирус індетіне байланысты шекарадан өту ережелерін өзгертеді. Бұл туралы Денсаулық сақтау жөніндегі еурокомиссар Стелла Кириакидис мәлімдеді, деп хабарлайды Inbusiness.kz.
Кириакидистің айтуынша, халықтың 80%-дан кемі вакциналанған елдер COVID-19 таралуын тежеу үшін шектеулерді қатаңдатуы мүмкін. Ол одаққа мүше әр ел өз қалауынша шара қабылдай алатынын атап өтті.
Бұған дейін Дүниежүзілік денсаулық сақтау ұйымының Еуропалық бюросының директоры Ханс Клюге COVID-19 салдарынан Еуропада жарты миллион адам қайтыс болады деп топшылаған еді.
Оның сөзінше, ауа-райының суықтығы, вакциналау қарқынының төмен болуы мен жұқпалы штамдардың пайда болуы салдарынан Еуропада індеттің тағы бір толқыны байқалуда. Осы орайда бюро басшысы міндетті вакциналауды енгізуді ұсынды.
Табиғат Нұрболат
Фото: Shutterstock.com
