Еуропалық комиссия Pfizer/BioNTech компаниялары жасап шығарған вакцинаның тағы 300 млн дозасын сатып алмақ. Бұл туралы комиссия басшысы Урсула фон дер Ляйен хабарлады.
"Өздеріңіз білетіндей, Pfizer/BioNTech компаниялары бірлесе шығарған вакцинаның 300 миллион дозасын сатып алған едік. Келісімшартты өзгертіп, енді осы вакцинаның тағы 300 миллион дозасын аламыз", – деді ЕК басшысы.
21 желтоқсанда Еуропалық реттеуші Pfizer/BioNTech вакцинасын еуропалық нарыққа енгізді. Еурокомиссия сол бойда оны пайдалануға рұқсатын берді.
6 қаңтарда ЕО реттеушісі Moderna компаниясының екпесін мақұлдады.
Келісімшарт бойынша одақ елдеріне препараттың 160 миллион дозасы жеткізілуі тиіс.Еурокомиссия сондай-ақ AstraZeneca, Johnson&Johnson, Sanofi-GSK, CureVac компанияларының вациналарын сатып алу туралы келісімге қол қойды.
Табиғат Нұрболат
Фото: iz.ru
