/img/tv1.svg
RU KZ
Эпидемиологиялық жағынан қауіпті орындар жабылады

Эпидемиологиялық жағынан қауіпті орындар жабылады

Ашық алаңда орналасқан базарлар күшейтілген санитарлық талаптарды сақтай отыра қызметін жалғастырады. 

02 Шілде 2020 16:02 264

Эпидемиологиялық жағынан қауіпті орындар жабылады

Орталық коммуникациялар қызметінде өткен брифингте Премьер-министрдің орынбасары Ералы Тоғжанов 5 шілдеден бастап 14 күнге уақытша қызметін тоқтататын нысандарға тоқталды. 

«Эпидемиологиялық жағынан аса қауіпті орындар жабылады. Оның ішінде сұлулық салондары, спорт залдар мен фитнес орталықтар, бассейндер, азық-түлік және азық-түліктік емес жабық базарлар, жағажайлар, аквапарктер, мәдени нысандар, ойын-сауық орталықтары, мектепке дейінгі балалар мекемелері, діни нысандар және басқалары бар. Сонымен қатар сауда орталықтарында орналасқан ойын-сауық нысандары да қызметін тоқтатады. Атап айтсақ, караоке, бильярд, компьютер клубтары, кинотеатрлар, балаларды сауықтыру лагерлері, фудкорттар, банкет залдары қызметіне тыйым салынады», – деген ол мемлекеттік органдар мен ұлттық компаниялар қызметкерлерінің кемінде 80%-ның қашықтан жұмыс істеу режимінде қалдыру керектігін айтты. 

«Ал медициналық орталықтар алдын ала жазылу бойынша жұмыс істейді. Дәріханалар, азық-түлік дүкендері мен ашық базарлар жұмыс істей береді. Ойын-сауық, спорт және басқа да бұқаралық іс-шараларды, сондай-ақ отбасылық, еске алу шараларын өткізуге тыйым салынады. 65 жастан асқан адамдардың сыртқа шығуына және саябақтар мен көшелерде 3 адамнан артық серуендеуге шектеу қойылады. Әйтседе далада жаттығулар жасауға рұқсат етіледі», – деді Ералы Тоғжанов. 

Құралай Құдайберген 
 

Дәрі-дәрмек нарығын пайда көзіне айналдырғандар қатаң жазаланады

Шымкенттік азамат жауапкершілікке тартылды.  

05 Шілде 2020 21:22 327

Бұл туралы ҚР Премьер-министрінің орынбасары Ералы Тоғжанов мәлім етті.

«Бүгін ғана Шымкент қаласында осындай пиғылмен жұмыс жасаған бір азамат қолға түсті. Ол заңға сәйкес жазаланады. Сондықтан барша қазақстандықтарға, әсіресе осы дәрі-дәрмектің айналасындағы жағдайды ескере отырып, пайда тауып қалуды көздейтін азаматтарға мұны ескертіп айтқым келеді. Бұл тікелей Президенттің қарауындағы сұрақ. «Кемедегінің жаны бір», сондықтан бір-бірімізді қолдайық», - деді Премьер-министрінің орынбасары.

Құралай Құдайберген

Елімізге дәрілік препараттардың 87%-ы сырттан келеді

Дәрі-дәрмектерді сертификациядан өткізу рәсімдері жеделдетілген түрде жүзеге асырылды.  

05 Шілде 2020 21:18 261

Бұл туралы ҚР Премьер-министрінің орынбасары Ералы Тоғжанов мәлім етті.

«Халықты толғандыратын мәселелер аз емес. Оның ішінде негізгі мәселе – дәрі-дәрмектермен қамтамасыз ету. Қазақстанда 8 мыңнан аса дәріхана бар. Отандық өндіріс есебінен олардың барлығын қамтамасыз ету деңгейі 13%, қалғанын сырттан, импорт арқылы алып отырмыз.  Мемлекет басшысының тапсырмасына сәйкес, қажетті дәрі-дәрмектермен толықтыру үшін мынадай шаралар қабылданады: Бір тәулік ішінде дәрілік заттарды әкелуге біржолғы рұқсат беруге өтінімдер қабылдау, дәрі-дәрмектерді сертификациядан өткізу мен сертификат берудің жеделдетілген рәсімдері қолданылды. Әкімдіктермен бірлесіп көтерме сауда қоймаларын, дәрі-дәрмектердің қоры және бағасын қымбаттатуға жол бермеу үшін жеке дәріханаларды аралап өтетін арнайы мониторингтік топтары құрылды. Қызуды төмендететін вирусқа қарсы препараттармен емдеуді тек емдеуші дәрігердің ұсынысымен жүзеге асыруды сұраймыз. Өз бетімен емделу өте қауіпті екенін білесіздер», – деді ол.

Құралай Құдайберген