/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 406,30 Brent 36,55
Ералы Тоғжанов Паралимпиадалық жаттығу орталығына барды

Ералы Тоғжанов Паралимпиадалық жаттығу орталығына барды

Паралимпиадалық жаттығу орталығы 2018 жылдың 4 шілдесінде Тұңғыш Президент Нұрсұлтан Назарбаевтың қатысуымен ашылды.  

27 Ақпан 2020 19:58 301

Ералы Тоғжанов Паралимпиадалық жаттығу орталығына барды

Бүгін ҚР Премьер-Министрінің орынбасары Ералы Тоғжанов Жапониядағы Паралимпиада ойындарына дайындық аясында Нұр-Сұлтан қаласындағы Паралимпиадалық жаттығу орталығы қызметімен танысты, деп хабарлайды вице-премьердің аппараты.

Паралимпиадалық жаттығу орталығында Қазақстан құрама командасының оқу-жаттығу жиындары, шетелдік командалармен бірлескен жиындар, сонымен қатар түрлі спорттық бәсекелер өтеді.

Қазақстан Республикасының Паралимпиадалық құрамасына спортың 13 түрінен барлығы 523 спортшы кіреді.

Естеріңізге салайық, 2019 жылдың мамырында орталықты аралау барысында Президент Қасым-Жомарт Тоқаев Токиода өтетін Паралимпиада ойындарында табысты өнер көрсету үшін Қазақстан құрамасына барлық ұйымдастыру және қаржылық қолдау көрсетілетіндігін айтқан болатын.

Қазақстанда әзірге теңдесі жоқ орталық жазғы және қысқы паралимпиадалық спорт түрлері бойынша ұлттық құрама командалар мен спорттық резервті сапалы әрі кәсіби жаттығуына арналып салынған. Мүмкіндігі шектеулі жандарға арналған мұндай орталық АҚШ, Ұлыбритания, Жапония және Оңтүстік Кореяда ғана бар.

Орталық барлық қажетті құрал-жабдықтармен жарақталған.

ҚР Премьер-Министрінің орынбасары Ералы Тоғжановқа орталықты таныстырған ҚР Ұлттық Паралимпиадалық комитеттің төрағасы Қайрат Боранбаев еліміздегі паралимпиада қозғалысының қызметі мен мүмкіндігі шектеулі жандар арасындағы бұқаралық спорттың дамуы жөнінде әңгімеледі.

Оның айтуынша, орталық құрылысы мен жабдықтау барысында мүмкіндігі шектеулі жандардың барлық қажеттіліктері ескерілген.

Паралимпиадалық жаттығу орталығында мүгедек спортшылар спорттың 14 түрі бойынша жаттыға алады. Ай сайын мұнда шамамен мүмкіндігі шектеулі 6 мыңға жуық спортшы жаттығады.

Орталықта бейімделген әмбебап цифрлық тренажерлер мен топтық жаттығуларға ыңғайлы аймақтан тұратын жаттығу, ойын және күреске арналған үш спорттық зал жұмыс істеп тұр. Бір атап өтерлігі, орталықты жабдықтауға паралимпиадашылардың өздері де атсалысқан. Мәселен, арбада отырып билеуден ҚР құрамасының мүшесі Ардақ Отарбаев арбаларды жуу орнын жасақтау иедясының авторы.

Ералы Тоғжанов Паралимпиадалық жаттығу орталығының қазіргі заманға сай инфрақұрылымы мен материалдық-техникалық жабдықталуына жоғары баға берді.

Бүгінгі сапары барысында ҚР Премьер-Министрінің орынбасары отандық паралимпиада спортының тарихында көру қабілеті төмен спортшылар арасында тұңғыш рет ұйымдастырылған голболдан Қазақстан Республикасы Кубогының ашылу салтанатына қатысты.

Е.Тоғжанов өз сөзінде елімізде паралимпиадалық спортты дамытудың маңыздылығын атап өтті.

«Мүмкіндігі шектеулі жандарды әлеуметтік қорғау әрдайым ел басшылығының бақылауында болған және бола бермек. Мемлекет қазір мүмкіндігі шектеулі жандардың өзін дамытуға және толыққанды өмір сүруі үшін барлық қажетті жағдайды жасап отыр. Паралимпиадалық жаттығу орталығының ашылуы осыған дәлел. Сіздердің әрқайсыларыңызда жеңіске деген ынта-жігер жеткілікті. Бірақ жеңіс тұғырының жоғары биігін бағындыру үшін бүгіннен бастап тер төгу қажет. Сіздерге ел үшін жауапты сындарда жоғары жетістіктер тілеймін!», – деді ол.

Екі күнге созылатын байрақты бәсекеге еліміздің 5 өңірінен 40-тан аса голболшы қатысып жатыр. Голбол Паралимпиада ойындарының бағдарламасына енгізілген. Спорттың бұл түрі Қазақстанға 2017 жылы келген. Содан бері 3 чемпионат ұйымдастырылды.

Биылғы бәсеке командаға халықаралық аренаға шығуға жол ашады.

 

Қазақстан Президенті Жапонияның жаңа императорын құттықтады

Жеделхатта Мемлекет басшысы тәуелсіздігіміздің алғашқы күндерінен бастап Қазақстанның Тұңғыш Президенті Н.Ә.Назарбаев еліміздің Жапониямен ынтымақтастығын дамытуға ерекше мән бергенін атап өтті.

02 Мамыр 2019 16:32 359

Қазақстан Президенті Жапонияның жаңа императорын құттықтады

Қазақстан Президенті Қасым-Жомарт Тоқаев Жапония императоры тағына отыруына байланысты Нарухитоға құттықтау жеделхатын жолдады, деп хабарлайды Ақорданың баспасөз қызметі.

Жеделхатта Мемлекет басшысы барша Қазақстан халқының және жеке өзінің атынан Нарухитоны Жапония императоры тағына отыруына орай құттықтап, тәуелсіздігіміздің алғашқы күндерінен бастап Қазақстанның Тұңғыш Президенті Н.Ә.Назарбаев еліміздің Жапониямен ынтымақтастығын дамытуға ерекше мән бергенін атап өтті.

«Қысқа тарихи мерзім ішінде елдеріміз арасындағы қарым-қатынастар кеңейтілген стратегиялық әріптестік деңгейіне жетті. Қазақстан Республикасының Президенті ретінде еліміздің сыртқы саясаттағы сабақтастықты сақтап, халықтарымыздың игілігі үшін Қазақстан мен Жапония арасындағы өзара тиімді ынтымақтастықты одан әрі нығайтуға күш саламын. Бүгінде Жапония біздің еліміз үшін Азиядағы сенімді әрі стратегиялық серіктес саналады. Сіздің қолдауыңызбен «Рэйва» дәуірінде жан-жақты ықпалдастық аясын тереңдету үрдісі одан әрі жалғасын табатынына ерекше үміт артамын», – делінген жеделхатта.

Соңында Қасым-Жомарт Тоқаев Жапония императорына мол табыс, ал достас жапон халқына береке және тұрақтылық тіледі.

Қытай мен АҚШ басшылары Жапонияда бас қоспақ

Онда сауда келіссөздерінің қорытындысы жасалып, кейін тараптар келісімге қол қоюы ықтимал.

18 Сәуір 2019 16:52 430

Қытай мен АҚШ басшылары Жапонияда бас қоспақ

Қытай мен АҚШ арасындағы сауда шиеленісі келесі айда шешімін табуы мүмкін. Екі елдің көшбасшылары Жапонияда бас қосып, саммит өткізеді, деп хабарлайды Блумберг.

Онда сауда келіссөздерінің қорытындысы жасалып, кейін тараптар келісімге қол қоюы ықтимал.