Алматы әкімі Ерболат Досаевтың Түрксіб ауданы халқымен кездесуінде Family тұрғын үй кешеніне қатысты мәселе көтерілді.
"Біз 10 жыл ақша жинап, оны Family ТК-ден пәтер сатып алдық. Өткен жылдың қазан айында құрылыс салушыларда барлық рұқсат құжаттары болды. Бір ай бойы ТК салынды. Содан кейін сіз өзіңіз қол қойған барлық құжаттарды қайтарып алдыңыз. Нәтижесінде құрылыс салушы сотқа берді, сотта жеңді. Бірақ сіз жерді қайтару туралы шешім қабылдадыңыз. Мен және Family тұрғын үй кешенінен үй сатып алған 120 отбасы не істеуі керек? Егер құрылыс компаниясын бізге ақшаны қайтарса да, біз сол қаржыға ештеңе сатып ала алмаймыз", – деді аудан тұрғыны.
Бұл ретте әкім аталған нысан заңсыз салынғанын, оған рұқсат бермегенін айтты.
"Әйгілі Family тұрғын үй кешені заңсыз салынған. Ол "Медеу" мемлекеттік өңірлік табиғи паркінің құрамына кіретін Баум тоғайының жанында орналасқан, оның айналасындағы санитарлық аймақ 1 шақырымды құрайды. Қазір қызметтік тексеріс жүріп жатыр. Бұл жобаға бұрын кімнің рұқсат бергені анықталуда. Мен бұл тұрғын үй кешенін салуға рұқсат бермедім, қаладағы барлық нәрсені заңға сәйкес тәртіпке келтіруіміз керек. Бұл тек осы тұрғын үй кешенінде ғана емес, сонымен қатар қаланың басқа тұрғын үй кешендеріне де қатысты. Құрылыс салушылар бізге әртүрлі нұсқаларды ұсынады: қабаттылықты азайту, жобаларды қайта қарау және т.б. біз қалада тәртіп орнату бойынша жұмысты жалғастырамыз, бәрі Ережеге сәйкес болуы керек. Менің орынбасарым Асқар Амрин бұл мәселемен жеке айналысады. Біздің міндетіміз 120 отбасын баспанасыз қалдыру емес", – деді қала әкімі.
Алматы әкімінің айтуынша, компания өз міндеттемелерін орындап, үлескерлердің ақшасын қайтарып беруі керек.
"Осыдан кейін біз жобаны қайта қарастырамыз, егер мүмкін болса, ол жүзеге асырылады. Мен әзірлеушілердің рұқсатты қалай алғанын түсініп отырмын – ол белгілі компания, оны бәрі біледі. Бірақ біз адал жұмыс істеуіміз керек", – деді Досаев.
