Бұл туралы бейсенбіде Түркия Президенті Әкімшілігінің коммуникациялар басқармасының басшысы Фахреттин Алтун "Т-24" телеарнасының эфирінде хабарлады, деп жазады Inbusiness.kz.
"[Ердоғанның] ант қабылдауы Парламентте өтеді. Содан кейін ол Президент сарайында инаугурацияға келген шетелдік көшбасшылар мен өкілдерді қабылдайды. Сол күні кешке біздің президент жаңа Үкіметтің құрамын жариялайды", - деді Алтун.
Ердоған сенбі күні жергілікті уақыт бойынша сағат 14.00 Парламентке келіп, ант береді. Сағат 15.00-де Түркия Республикасының негізін қалаушы Кемал Ататүріктің кесенесіне, ол жерден Бештепе президенттік кешеніне барып, ұлықтау рәсіміне арнайы келген шетелдік өкілдерді қабылдайды. Онда ол олардың құрметіне кешкі ас беріліп, көшбасшы 22.00-де жаңа Үкіметтің құрамын жариялайды.
Бейсенбіде Түркияның орталық сайлауы 28 мамырда өткен президенттік сайлаудың екінші турының соңғы нәтижелерін жариялады. Сайлау нәтижелеріне сәйкес Ердоған сайлаушылардың 52,18% дауысымен Мемлекет басшысы болып қайта сайланды, ал оның қарсыласы — оппозиция жетекшісі Кемал Кылычдароғлы 47,82% дауыс жинады.
