Сұхбат республика басшысының сайлауалды науқанға байланысты уақыт тапшылығынан сейсенбі күні кешке ұйымдастырылды. Журналист министрлер кабинетіндегі қандай өзгерістер боларын сұрай берген кезде тікелей эфир кенеттен үзілді. Оның сұрақ қойылғаннан кейін ұзақ жауап бере алмай, отырып қалуы әлеуметтік желілерде біраз талқыға салынды.
"Ең алдымен, сіздерге денсаулық тілеймін. Кеше және бүгін біраз сайлау жұмыстары болды. Сондықтан болар, мен асқазан тұмауымен ауырып қалдым. Негізі бағдарламаға келе алмаймыз деп ойладық, бірақ біз уәде бергеннен кейін келдік. Мен сіздерден және біздің көрермендерден кешірім сұраймын", - деді Ердоған тікелей эфирдегі үзілістен кейін.
Екі қысқа сұрақтан кейін модератор түрік көшбасшысымен сұхбат "Президент мырзаның демалуына мүмкіндік беру" үшін аяқталатынын айтты.
Түркиядағы президенттік және парламенттік сайлау 14 мамырға жоспарланған.
