Президент Режеп Тайып Ердоған Түркиядағы жер сілкінісіне байланысты 7 күндік ұлттық аза тұту жарияланғанын мәлімдеді, деп хабарлайды inbusiness.kz.
Президент Ердоғанның қолтаңбасымен жарияланған шешімде "Елімізде 2023 жылы 6 ақпанда болған жер сілкінісіне байланысты 7 күндік ұлттық аза тұту жарияладық. Туымыз елде және шетелдік өкілдіктерде 12 ақпан жексенбі күніне дейін жартылай төменге түсіріледі", делінген хабарламада.
Еске сала кетсек, Дүйсенбі күні Түркияның оңтүстік-шығысында болған екі күшті жер сілкінісі салдарынан 1500-ден астам адам қаза тауып, 10 мыңға жуық адам жараланған.
Қазақстан да Түркияға шұғыл көмек көрсетеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
