Түркия президенті Режеп Тайып Ердоған кәсіпкерлерді ақпан айындағы жер сілкіністерінің салдарын жою үшін қолдау көрсетуге шақырды, деп хабарлайды inbusiness.kz Анадолы агенттігіне сілтеме жасап.
Түрік көшбасшысы "Мармара тобы" қорының бастамасымен Ыстамбұлда ұйымдастырылған XXVI Еуразиялық экономикалық саммитке қатысушыларға бейне үндеу жолдады.
Ердоған магнитудасы 7,7 және 7,6 жер асты дүмпулерін қамту аймағында жалпы 14 млн адам болғанын, ал Түркияның 48 мыңнан астам тұрғыны апат құрбаны болғанын атап өтті.
Жер сілкінісі түрік экономикасына зиян келтіргені сөзсіз.
"Бір жыл ішінде өңірдің инфрақұрылымын және зардап шеккен барлық елді мекендерді қалпына келтіруді жоспарлап отырмыз. Бұл ретте мемлекеттің ғана емес, кәсіпкерлердің де үлесі маңызды", - деді Ердоған.
Айта кетейік, 6 ақпанда Түркияның оңтүстік-шығысында магнитудасы 7 балдан асатын екі жер сілкінісі болды (жергілікті уақыт бойынша 04.17 - де – 7,7 балл және 13.24-те-7,6 балл).
