Түркия Президенті Режеп Тайып Ердоған Украинаның мемлекет басшысы Владимир Зеленскиймен телефон арқылы сөйлесті, деп хабарлайды Inbusiness.kz сайты trthaber-e сілтеме жасап.
Президенттік коммуникациялар басқармасы жасаған мәлімдемеге сәйкес әңгіме барысында Түркиядағы жер сілкіністері мен осыдан бір жыл бұрын басталған Ресей-Украина соғысына қатысты өзгерістер талқыланды.
Ердоған зілзала кезінде Түркияның жанынан табылған Украина президенті Зеленскийге алғыс айтты.
Сондай-ақ, Түркияның мемлекет басшысы бір жылға созылған Ресей-Украина соғысын тоқтату, келіссөздер арқылы шешімге келу және бейбітшілікті қалыптастыру үшін қолдан келгенше үлес қосуға дайын екендігін білдірді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
