Ереван қаласында Армения Премьер-Министрі Никол Пашинянның отставкаға кетуін талап етіп, наразылық шарасына қатысқандарды тәртіп сақшылары қамауға ала бастады, деп хабарлайды inbusiness.kz жергілікті БАҚ-қа сілтеме жасап.
Бас көтергендер қала көшелерін жауып, тұрғындарды ереуілдетуге үндеуде. Ереванның шетіндегі акция орнына келген полицейлер наразылық білдірушілердің бірнешеуін көлікке отырғызып алып кетті.
25 сәуірден бері жергілікті оппозиция ел аумағында наразылық шараларын өткізуде.
Ереуілшілердің пікірінше, қазіргі биліктің саясаты елдің мемлекеттілігін жоғалту қаупін тудырып отыр. Олар бірнеше күн ішінде Ереван көшелері мен облыстық магистральдарды, соның ішінде негізгі көлік тораптарын жауып тастады.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
