Соның ішінде америкалық кәсіпкер Джеймс Кэмеронның ERG үшін 5 млрд доллар ұсынысына жауап ретінде ERG Директорлары кеңесінің төрағасы, Бас атқарушы директоры Шухрат Ибрагимов ERG-ді сату жайлы ешбір келіссөздер болмағанын мәлімдеді, деп жазады inbusiness.kz сайты.
– Бизнесті қалыпты жүргізуде еш өзгеріс жоқ. 2024 жылдың соңында өткен Директорлары кеңесінің отырысында одан әрі дамыту, өз кәсіпорындарына инвестиция құюға бағытталған жаңа даму стратегиясын қабылдады. ERG-дің ұзақмерді өсім мен Топтың барлық стейкхолдерлеріне құндылық қалыптастыруға екпін түсіру ұстанымы бұлжымайды, – деп мәлімдеді компанияның баспасөз қызметі.
Бұған дейін Reuters басылымында америкалық кәсіпкер Джеймс Кэмеронның 40 пайызы Қазақстан үкіметіне тиесілі Eurasian Resources Group (ERG) компаниясын 5 млрд долларға сатып алғысы келетіні хабарланған.
