Қазақстанның еркін күрес тарихындағы екінші әлем чемпионы атанған Нұрқожа Қайпановқа белгілі кәсіпкер су жаңа көлік сыйға тарту етті, деп хабарлайды inbusiness.kz сайты.
Еркін күрестен Тиранада өткен әлем чемпионатында алтыннан алқа таққан Нұрқожа Қайпановқа демеушілер су жаңа көлік сыйлады.
"Әлем чемпионы атануыңмен құттықтай отырып, өзіңе, бапкерлеріне алғыс білдіремін. Осы жолда аянбай тер төгіп жүрсің. Оған өзім де куәмін. Біздің күрес академиясының шәкірті екеніңе мақтанамыз. Өзімнің, "Сәду-Аренаның" атынан сыйлық бергіміз келеді", – деді Ерлан Қожасбай.
Айта кетейік, Нұрқожа әлем чемпионатында бес белдесу өткізіп, барлығын айқын басымдықпен ұтты. Финалда жапон балуанын 6:3 есебімен жеңіп, Қазақстан еркін күрес тарихындағы екінші әлем чемпионы атанды.
