Нұртөре Жүсіп Алматыда ИК тобы мен Шиза лақап аты бар әншінің концертінде болған жағдай туралы Үкімет басшысы Әлихан Смайыловтың атына депутаттық сауал жолдады.
"Қазақстан Республикасы Қылмыстық кодексінің 372-ші бабы бойынша "Қазақстан Республикасының рәміздерін қорлау – 2000 айлық есептік көрсеткішке дейінгі мөлшерде айыппұл салуға, не сол мөлшерде түзеу жұмыстарына, не 600 сағатқа дейінгі қоғамдық жұмыстарға тартуға не 2 жылға дейінгі мерзімге бас бостандығын шектеуге, не сол мерзімге бас бостандығынан айыруға жазаланады". Әдетте концертті кімдер ұйымдастырды? Қалтасында қомақты қаржысы барлар өткізеді. Оларға мына мөлшердегі айыппұлды төлей салу түкке тұрмайды", – деді депутат.
"Әкімшілік кодекстің 434-бабы бойынша, әншілердің көпшілік алдында былапыт сөздер айтуы ұсақ бұзақылық болып есептеледі. Заң бұған бес айлық есептік көрсеткіш мөлшерінде айыппұл салу немесе 10 тәулікке қамауды көдейді. Ал 440-бапта көпшілік алдына ішімдік ішіп шығу, есірткі пайдалану бойынша жаза бар", – деп қосты сенатор.
Оның айтуына қарағанда, Конституцияда шығармашылық еркіндікке кепілдік берілген. "Ал еркіндікті ессіздікпен алмастыруға болмайды".
