Бұл пікірін ол телеграм арнасында жариялады.
Сонымен, біріншіден 2004 жылдан кейін алғаш рет Мәжілістегі 98 депутаттың 29-ы бір мандатты округтер арқылы сайланады. Екінші жаңалығы - үміткерлерге өзін-өзі ұсынуға мүмкіндік ашылды. Үшіншіден, кезектен тыс сайлаудың өтетін мерзімі жарты жыл бұрын белгілі болды. Төртінші өзгеріс - партиялар Парламентке өтуі үшін бұрынғыдай 7 емес, 5 пайыз дауыс жинаса - жеткілікті, ал бесінші ерекшелік - әйелдер, жастар және мүгедектер үшін қарастырылған 30 пайыздық квота партиялық тізім мен мандаттардың бөлінісі кезінде сақталады.
6. Мәжілістің жаңа құрамында Қазақстан халқы Ассамблеясының квотасы болмайды;
7. Алғаш рет Мәжіліс пен мәслихаттар сайлауында "бәріне қарсымын" деген баған енді;
8. Сайлауға 7 саяси партия қатысуға құқылы. Оның екеуі партиялар туралы заңның жаңа нормалары күшіне енгеннен кейін тіркелді;
9. Облыстардағы аймақтық сайлау комиссиялары енді кәсіби түрде жұмыс істейді;
10. Сайлаушылар бес бюллетень бойынша дауыс береді (республикалық маңызы бар қалалардағы бюллетень саны төртеу).
