"Клиникалық сынақтардан тыс өз еркі бойынша ағымдағы жылдың 25 желтоқсанында QazCovid-вакцинасы Қазақстан Республикасы Президентінің көмекшісі Е.Т.Каринге салынды", - делінген хабарламада.
Министрлік биологиялық қауіпсіздік проблемалары ғылыми-зерттеу институтының ғалымдары әзірлеген QazCovid-in инактивтелген қазақстандық вакцинасының клиникалық сынақтарының үшінші кезеңі 19 желтоқсанда басталғанын атап өтті.
"244 қазақстандық қатысқан клиникалық сынақтардың бірінші және екінші фазаларының нәтижелері вакцинаның қауіпсіз екенін, антиденелер түзетінін, жасушалық және гуморальдық иммунитетті тудыратынын көрсетті. Клиникалық сынақтардың үшінші кезеңіне үш мың ерікті қатысады", - делінген ақпаратта.
Хабарламаға сәйкес, зерттеуге қатысушыларға бір реттік төлем төлеу және медициналық сақтандыруға кепілдік беріледі.
