Ерлан Қариннің сөзінше, Ата заңның жаңартылған нұсқасында БҰҰ пактісімен сәйкестендірілген норма бар, деп хабарлайды inbusiness.kz сайты.
– Қоғамның рухани-адамгершілік құндылықтар жүйесі деген ұғым төңірегінде әртүрлі пікірлер, талқылаулар болатын. Комиссия мүшелері – Қарлығаш Жаманқұлова ("Әділ сөз" халықаралық қорының президенті) Әділ Балтабаев (журналист) және тағы басқалар тарапынан осы жөнінде мәселе көтерілген еді, – деп бастады сөзін Мемлекеттік кеңесші.
Ерлан Қарин талқылау барысында бұл ұсыныстар қабылдағанын сөз етті.
– Бұл ұғым Біріккен Ұлттар Ұйымының халықаралық пактісімен сәйкес өзгертілді. Сондықтан, жаңа мәтінде комиссия мүшелерінің жаңа ұсыныстары толық қамтылды деп айта аламыз, – деді ол.
Бұған дейін Мемлекеттік кеңесші "Адам құқығы мен бостандығы жаңа Конституцияның алтын арқауы болып тұр" деген еді.
