ҚР Сыртқы істер министрі Ермек Көшербаев Тәуелсіз Мемлекеттер Достастығы Сыртқы істер министрлері кеңесінің кезекті отырысына қатысты, деп жазады inbusiness.kz сайты.
Іс-шара барысында сыртқы саяси ведомстволар басшылары өңірлік және халықаралық күн тәртібіндегі өзекті мәселелерді, достастыққа қатысушы мемлекеттердің өзара іс-қимылының жай-күйі мен келешегін талқылады.
Халықаралық және сауда-экономикалық кооперацияны дамыту, цифрлық және көлік-транзиттік салалардағы өзара байланыстыжандандыру және басқа да бірқатар әлеуетті бағыттарға ерекше назар аударылды.
Кездесу дәстүрлі достық сипатта өтті, тараптар ТМД шеңберіндегі өзара іс-қимылды дамытуға және ұйымның кең әлеуетін одан әрі нығайтуға мүдделі екенін растады.
2026 жылы ТМД Сыртқы істер министрлері кеңесінің кезекті отырысы Калининград қаласында өтеді.
