Павлодар облысының әкімі Асайын Байханов Қазақстанның 5 дүркін чемпионы "Ертіс" футбол клубын қайта құру мәселесін көтерді. Бұл туралы ол Іnstagram-дағы парақшасына жазды, деп хабарлайды inbusiness.kz тілшісі.
"Біз "Ертіс" ФК-ның болашағына қатысты 2 жолды көріп отырмыз. Біріншіден, 3,1 млрд теңге қарызы бар әрі банкроттық рәсімінен өтіп жатқан клубты оңалту. Екіншіден, FIFA ережелері бойынша "Ертіс" ФК-мен аттас жаңа клуб құру. Оның ішінде ойыншылар мен жаттықтырушылар құрамы алдындағы 846 млн теңге берешекті өзіне міндеттеме ретінде қабылдау", – деп жазды Асайын Байханов.
Спорт басқармасына 10 күн ішінде демеушілік қаражатты тартып, "Ертіс" ФК-ны жандандырудың жол картасын әзірлеу тапсырылды.
Еске сала кетсек, павлодарлық "Ертіс" футбол клубы 2020 жылы таратылды.
