Павлодарлық полицейлер қаңтар айы ішінде заңсыз аң аулау бойынша 44 фактіні анықтады, деп хабарлайды pavlodarnews.kz.
"Жол-патрульдік полиция ротасының қызметкерлерімен патрульдеу кезінде Ертіс ауылынан шыға берістегі далалық аймақта ВАЗ маркалы автомашинаны басқарған 36 жастағы ауыл тұрғыны ұсталды. Автомашинаның салонын және жүк бөлігін тексеру кезінде полицейлер 2 қоян және ТОЗ-34 маркалы 2 қосауыз тегіс ұңғылы қару және 11 дана оқ-дәрі тәркіленді. Аңшыда өзімен бірге қарудың және аңшылыққа шығуға тиісті құжаттары болмаған", – дейді баспасөз қызметінен.
Аталған факті бойынша ер адам ҚР ӘҚБК 484-382 баптарына сәйкес әкімшілік жауапкершілікке тартылды.
Айта кетейік, 2019 жылдың қаңтар айы ішінде полиция қызметкерлерімен барлығы 44 заңсыз аң аулау фактісі анықталды. Құқық бұзушылар ҚР ӘҚБК 382-бабына сәйкес әкімшілік жауапкершілікке тартылды.
