Қаржы министрі Ерұлан Жамаубаев Сенат кулуарында еліміздің Ресейдегі сауда өкілдігінің жабылуына қатысты пікір білдірді, деп жазады inbusiness.kz.
"Артық құрылымдарды оңтайландыру жүріп жатыр. Еліміздің Ресеймен тығыз қарым-қатынаста екені туралы айтылғанда Еуразиялық экономикалық комиссияның болуын білдірген болатын. Онда барлық бағыттар бойынша өте сауатты адамдар жұмыс істейді, соның ішінде кәсіпкерлік қызмет бойынша Мәскеуде бұл мәселені шеше алатын адамдар да бар", - деді ол.
Министр бұдан басқа елшіліктің де бар екенін атап өтті.
"Әр түрлі мемлекеттік құрылымдардың белгілі бір өкілдері бар. Сондықтан бұл мәселе тек мемлекеттік қызмет құрылымдарын оңтайландыруға ғана қатысты. Осы мәселемен айналысатындар қазір басқа мәселелерді шеше алады", - деп қорытындылады Ерұлан Жамаубаев.
Еске салайық, осыған дейін Қазақстан Ресейдегі сауда өкілдігін жабатынын жазған болатынбыз.
