Есіл өзені жағасындағы триатлон-паркте өтетін шараға бір мыңнан астам адам қатысады деп жоспарланып отыр, деп хабарлайды Астана қаласы әкімдігінің ресми сайты.
Қалалық мәдениет және спорт басқармасының хабарлауынша, марафонды өткізудің мақсаты – онкологиялық аурулармен ауыратын науқас балаларға қаражат жинау. Бұл іс-шара Ұлыстың ұлы күні – Әз Наурыз мерекесі мен Жастар жылына орай өткізілмек.
Жарыс 24 наурызда Есіл өзенінің жағасында қалалық триатлон-паркте өтеді.
Жарыс жолына шығатын мыңнан астам адам төрт дистанцияға жүгіреді, кәсіпқойлар – 21 км, әуесқойлар – 10 км, жүгіруді енді ғана бастағандар – 5 км, балалар мен ең жас спортшылар – 500 метрге жүгіреді.
Марафон ақылы, оған қатысу үшін www.astananauryzmarathon.kz. сілтемесі бойынша тіркелу қажет.
