ІІМ баспасөз қызметі берген ақпаратқа сүйенсек, есірткі тұтынушылар санының бұлайша өсуіне опиоидтарды тұтынудың өсуі, сондай-ақ каннабистің кеңінен тарауы әсер еткен.
Әлемдегі героиннің заңсыз айналымының ең ірі бағыты бұрынғыдай Балқан бағыты болып қалып отыр, ол бойынша есірткі Ауғанстаннан Иранға, Түркияға, Балқан елдеріне контрабандалық жолмен жеткізіледі.
Басқа бағыттар бойынша героин Ауғанстаннан Пәкістан арқылы Оңтүстік Азияға немесе Африкаға (Оңтүстік бағыт) немесе Орталық Азия арқылы Ресей нарықтарына (солтүстік бағыт) шығарылады.
Айта кетсек, есірткіні пайдалану нәтижесінде 2017 жылы 585 мың адам қайтыс болған екен. Олардың үштен екісінің өліміне опиоид пайдалану себеп болған. Әлемде ең көп таралған есірткі – каннабис, ал ең қауіпті опиоидтар – героин мен опиум.
