Салықтар мен міндетті төлемдер саны 20 пайызға қысқарады. Бұл туралы бизнес өкілдеріне жаңа салық кодексінің жобасын таныстырған Ұлттық экономика вице -министрі Азамат Әмрин айтты, деп хабарлайды inbusiness.kz сайтының тілшісі.
Оның сөзінше, жаңа құжатта бірқатар түзетулер қарастырылған.
Мысалы, зейнеткерлер табыс салығынан босатылады. Ал, қолөнершілерге жеке салық режимі қарастырылған.
Олар жеке кәсіпкер ретінде тіркелмей-ақ қойса болады.
Сонымен қатар, ескі көліктердің салығы төмендейді. 10 жыл мінілген темір тұлпар үшін салық – 30 пайызға, 20 жылдықтардікі 50 пайызға азаяды.
Жаңа құжатта салық берешегін мәжбүрлеп өндіріп алу тәсілдері де жетілдірілген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
