26 мамыр күні сағат 15:00-де Астана концерт залында (Конгресс-Холл) "Мерейлі отбасы" ұлттық байқауының қалалық кезең жеңімпаздарын марапаттауға арналған концерт өтеді. Бұл туралы Астана қаласы әкімдігінің баспасөз қызметі хабарлайды.
Салтанатты шарада Қазақстанның эстрада жұлдыздары өнер көрсетеді. Қала тұрғындары мен қонақтарына концертке кіру тегін.
Айта кетсек, Астана қаласының әкімдігі ағымдағы жылдың 1-30 сәуір аралығында байқауға қатысушылардың өтінімдерін қабылдаған болатын. Жақында қатысушылар арасында үздіктер іріктеліп, жеңімпаздарды марапаттау рәсімі өтпек.
"Мерейлі отбасы" ұлттық байқауының мақсаты – отбасылық институтты нығайту, адамгершілік, рухани қасиеттерді және отбасылық құндылықтарды насихаттау. Ауқымды шара биыл үшінші рет ұйымдастырылуда. Байқау Мемлекет басшысының 2013 жылғы 6 желтоқсандағы №250 қаулысына сай жыл сайын өткізіліп келеді.
