Бұл туралы Еуразиялық экономикалық комиссияның баспасөз қызметі хабарлады, деп жазады inbusiness.kz сайты.
Комиссияның айтуынша, келісім 2019 жылдан бері болған кей тауар түрлеріне ғана қатысты уақытша келісімді алмастырады және ЕАЭО елдерінің өндірушілері үшін Иран нарығына қол жеткізу үшін бірегей жағдай жасайды. Одақтан Иранға жеткізілетін тауарларға импорттық кедендік баж салығының орташа мөлшерлемесі 20%-дан 4,5%-ға дейін төмендетіледі.
Толық келісімді жүзеге асыру аясында тараптар 2025 жылдың екінші жартыжылдығына жоспарланған Бірлескен комитеттің бірінші отырысын ұйымдастыруға кірісті, оның барысында Еуразиялық экономикалық одақ пен Иран Ислам Республикасы арасындағы сауда-экономикалық ынтымақтастықты одан әрі дамытудың нақты мәселелерін талқылау жоспарлануда, - деп атап өтті ЕЭК Сауда министрі Андрей Слепнев.
Жаңа келісім ЕАЭО мен Иран арасындағы тауарлардың барлық ассортиментінің 90%-на жеңілдікті қолжетімділік бойынша өзара міндеттемелерді белгілейді. Уақытша келісіммен салыстырғанда, толық келісім тараптар арасында кедергісіз сауда кеңістігін құруға бағытталған өзінің реттеуші құрамдас бөлігін айтарлықтай жақсартты.
Сарапшылардың пікірінше, оны жүзеге асыру ЕАЭО мен Иран арасындағы тауар айналымын бірнеше есе арттыруға мүмкіндік береді, орта мерзімді перспективада ол 12 млрд долларға жетуі мүмкін.
Еске салайық: ЕАЭО елдері мен Иран арасындағы еркін сауда туралы келісім тауарлардың 85%-дан астамына, атап айтқанда, дәнді дақылдарға импорттық кедендік баж салығын алып тастауды қарастырады. Келісім күшіне енгеннен кейін Қазақстан Иранға 3 млн тоннаға дейін бидай мен 1,5 млн тонна арпаны баж салығынсыз жеткізе алады.
Иран сондай-ақ жүгері, қарақұмық, шоколад, күнбағыс майы, болат, тыңайтқыштар мен ауылшаруашылық техникаларына кедендік баж салығын алып тастайды.
