Бұл туралы Reuters агенттігі энергетика жөніндегі Еуропалық комиссар Кадри Симсонға сілтеме жасап хабарлады, деп жазады Inbusiness.kz.
"Біз тез әрекет етуге дайынбыз, Министрлер бізге тапсырма берсе, бірден ұсыныс жасаймыз", - деді ол.
Оның пікірінше, бұл шара энергия нарығын тұрақтандыруға көмектеседі, сондай-ақ мұнайдың азаю қаупін жояды.
Басылым бұл тұрғыда ЕО елдерінің пікірі қақ айырылғанын атап өтті. Кейбір мемлекеттер, соның ішінде Еуропадағы ең ірі газ тұтынушысы Германия, бағаның шектелуі халықаралық газ нарықтарында елдерге оны жеткізу барысында қауіпсіздік шарттарын орындау қиынға түсуі мүмкін екенін ескертеді.
Қыркүйек айында "Үлкен жетілік" елдері Ресейден мұнай бағасының шегін енгізуге келісті. Сондай-ақ, G7 ресейлік газды жеткізуге де осындай шектеулер енгізу ниеті туралы мәлімдеді. АҚШ-тың пікірінше, бұл Ресейдің кірісін қысқартуға, сондай-ақ бүкіл әлемдегі энергия бағасын төмендетуге мүмкіндік береді.
Ресей президенті Владимир Путин бұған жауап ретінде Ресейден басқа елдерге шикізат жеткізуді толығымен тоқтатамыз деп қорқытты.
