Бұл туралы Еурокомиссия басшысы Урсула фон дер Ляйен Брюссельдегі ЕО саммитінің бірінші күнінің қорытындысы бойынша өткен баспасөз мәслихатында мәлімдеді, деп жазады Inbusiness.kz.
"Біз қосымша €50 млн гуманитарлық көмек бөлеміз. Ертең, жұма күні біз БҰҰ агенттіктерімен €40 млн келісімшартқа қол қоямыз. Тағы 10 миллион еуро ертең Мысыр арқылы екі рейспен гуманитарлық көмек жеткізуге жұмсалады", - деді ол.
ЕО басшысы қақтығыс шиеленісе бастаған кезден бастап Газа тұрғындарына €75 млн гуманитарлық көмек бөлгенін, сондай-ақ Мысыр арқылы 56 тонна көмек жеткізгенін еске салды.
Саммиттің бірінші күнінің қорытындысы бойынша ЕО басшылары Израиль мен ХАМАС арасындағы атысты тоқтату туралы үндеуде келісе алмады,олар тек "гуманитарлық үзілістерге және Газада гуманитарлық дәліздердің ашылуына" шақырды, деп хабарлады Еуропалық Кеңестің Баспасөз қызметі.
