ЕО халықты жаппай вакцинациялауды жаздың соңына дейін аяқтайды. Еуропаның ішкі нарық жөніндегі комиссары Тьерри Бретон осындай мәлімдеме жасады, деп хабарлайды Inbusiness.kz порталы BFMTV арнасына сілтеме жасап.
"Біздің мақсатымыз – жаздың соңына дейін вакцина ектіргісі келетіндерге екпе салып үлгеру. Еуропада препаратты қабылдағысы келетіндердің қатары көп болады деп үміттенеміз", – деді ол.
Оның айтуынша, Еуроодақта әзірге үш вакцина мақұлданған: Pfizer мен Biontech компаниялары бірлесе жасаған препарат, Moderna және AstraZeneca екпелері. Жуырда тағы екі вакцина тіркелуі тиіс. Бретон жаппай вакцинациялау процесін жүргізу үшін өндірісті ұлғайту қажет екенін жариялады. Алайда еурокомиссар жоспарды іске асыру үшін зауыт салудың қажеті жоқ, өйткені оған көп уақыт кетеді деген пікірде.
Табиғат Нұрболат
Фото: Globallookpress.com
