Еуропалық аурулардың алдын алу және бақылау орталығы Қытайда тараған коронавирустың Еуропаға тарау тәуекелін "төменнен" "орташа" деңгейге көтерді, деп хабарлайды Atameken Business.
Кәрі құрлыққа саяхаттаушылардың қауіпті дертті тасымалдау ықтималдығы Қытай жаңа жылының тойлануымен байланысты болуда.
Айта кетерлігі, Еуропалық одақтың үш әуежайына Қытайдың Ухан қаласынан тікелей әуе рейстері келеді: Лондонның "Хитроу", Париждің "Шарль де Голль" және Римнің "Фьюмичино" әуежайлары.
Осы мәлімдемеден кейін, Ұлыбритания билігі Уханнан Лондонға келетін барлық тікелей рейстерге мониторинг жасау шараларын күшейтті. Аталған өңірден келген ұшақтар оқшауланған ауданда қабылданады. Бұған қоса, әуе кемесінің командирлеріне жолаушылардың ішінен науқастану белгілері анықталған жағдайда ұшақ қонуға 1 сағат бұрын хабарлауға кеңес берілді.
