УЕФА Еуропа лигасының финалында голландиялық "Аякс" пен англиялық "Манчестер Юнайтед" кездесті. Бұл туралы 24.kz хабарлайды.
Стокгольмдегі "Френдс-Аренада" номиналды қонақтар жеңіске жетті. Ойынның 18-ші минутында Поль Погба айып алаңына енер тұста жерлете соққы жасады. Доп жолай қорғаушыға тиіп, бағытын өзгертті. "Аякс" қақпашысы допты өз қақпасына өткізіп алды. Ойында шабуылдар көп бола қойған жоқ. Бірақ манчестерлік команда өздерінде бар мүмкіндіктерді мүлт жібермеді. Екінші тайм "қызыл сойқандар" үшін сәтті басталды. 48-минутта Генрих Мхитарян есепті еселеді. 2:0 есебімен "Манчестер Юнайтед" маусымды жеңіспен аяқтады. Енді Еуропа лигасының жеңімпаздары келесі маусымда Чемпиондар лигасында өнер көрсетуге мүмкіндік алды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
