Еуропалық армия бейбітшілікті сақтап, қақтығыстардың алдын алады. Бұл пікірді Италияның Сыртқы істер министрі Антонио Таяни өзінің сұхбаттарының бірінде мәлім етті, деп хабарлайды inbusiness.kz сайты Reuters агенттігіне сілтеме жасап.
"Егер біз әлемде бітімгершілік орнатқымыз келсе, бізге еуропалық қарулы күштер қажет. Бұл Еуропалық сыртқы саясатқа ие болудың тиімді және негізгі шарты", - деп түсіндірді ол 7 қаңтар күні жарияланған сұхбатында.
Сонымен қатар, Антонио Таянидің пікірінше, "өз армиясын құру – тиімді еуропалық сыртқы саясатты жүзеге асырудың негізгі шарты" болып саналады.
"АҚШ, Қытай, Үндістан, Ресей сияқты қуатты ойыншылары бар әлемде дағдарыстар Таяу Шығыстан Үнді-Тынық мұхиты аймағына дейін созылып жатқан әлемде италиялық, неміс, француз немесе словен азаматтарын тек бұрыннан бар нәрсе, атап айтқанда Еуропалық одағы қорғай алады", - деп толықтырды ол.
Айта кету керек, Еуропалық қорғаныс ынтымақтастығы екі жыл бұрын Ресейдің Украинаға толық басып кіруінен кейін саяси күн тәртібіне көтерілді. Алайда, күш-жігер НАТО-ны кеңейтуге көбірек бағытталды.
Сондай-ақ, Италия СІМ-нің қазіргі басшысы Антонио Таяни 2023 жылы партияны бұрын басқарған Сильвио Берлускони қайтыс болғаннан кейін бас партиялық қызметке кіріскен.
Бұдан бөлек, Таяни 27 елден тұратын ЕО Еуропалық Кеңес төрағасы мен Еуропалық Комиссия төрағасының қазіргі құрылымынан гөрі өз басшылығын оңтайландыруы және бірыңғай төрағалық етуі қажет деп атап өтті.
