Louis Vuitton Moët Hennessy (LVMH) нарықтық құны 500 миллиард доллардан асты. Еуропада мұндай нәтиже алғаш тіркеліп отыр. Оған Қытайдағы тауар сатылымының өсуі мен еуроның нығаюы ықпал еткен, деп хабарлайды inbusiness.kz Bloomberg ақпаратына сілтеме жасап.
Жақында ғана LVMH акциялары 5%-ға қымбаттап, топтың нарықтық капитализациясы $486 млрд-қа дейін өскен болатын. Нәтижесінде LVMH басшысы Бернард Арноның байлығы бір күнде $12,5 млрд-қа артып, $237,8 млрд-қа жетті.
Брендтер сатылымынан түскен кіріс 2023 жылдың I тоқсанында 17%-ға, €21,06 млрд-қа дейін өсті. Өйткені өнімге деген сұраныс барлық өңірлерде артып келеді: ең үлкен өсім Жапонияда тіркелді — сатылым 34%-ға артты, Азияда (Жапонияны есептемегенде) — 14% - ға, Еуропада-24% - ға өсті.
LVMH - Louis Vuitton, Moët пен Hennessy сияқты танымал брендтерге иелік ететін Француз көп салалы корпорациясы, сонымен қатар оның құрамына Christian Dior, Fendi, Givenchy, Kenzo, Marc Jacobs, Bulgari, Hublot және т.б. кіреді. Арноның отбасына барлық LVMH акцияларының 48%-ы тиесілі.
