8 қаңтар күні Испания елі емханалар мен ауруханаларда міндетті түрде бетперде киюді ұсынды. Осыған байланысты, Италия Еуропада тыныс алу жолдарының ауруларын жұқтырудың рекордтық деңгейін жариялады. Бұл туралы inbusiness.kz сайты Reuters агенттігіне сілтеме жасап хабарлайды.
Еуропалық аурулардың алдын алу және бақылау орталығы құрлық тұрғындарына өздерін нашар сезінсе, үйде болуды және көпшілік немесе денсаулық сақтау мекемелерінде бетперде киюді қарастыруға ұсынды. Себебі, тұмау ауруы әдетте жылдың осы уақытында болатындай таралады, бірақ кейбір елдерге басқаларына қарағанда көбірек әсер етеді.
"Еуропалықтар осал топтарды вакцинациялау бойынша ұлттық нұсқауларды орындауы қажет", - делінген Еуропалық аурулардың алдын алу және бақылау орталығының ұсынысында.
Қазіргі уақытта, тұмау басқа жалпы респираторлық қоздырғыштарға, соның ішінде COVID-19 ауруын тудыратын Sars-CoV-2 вирусына қарағанда жоғары деңгейде таралып жатыр.
Италияда тұмауды да, COVID-19-ды да қамтитын тұмауға ұқсас аурулармен ауыратын адамдардың саны 2023 жылдың соңғы екі аптасында рекордтық деңгейге жетіп, тіпті COVID эпидемиясынан да асып түсті. Бұндай деректерді Ұлттық денсаулық сақтау институты (ISS) жариялаған болатын.
Сондай-ақ, Италия елінде 2023 жылдың 52-ші аптасында мың адамға шаққанда 17,5 жағдай және 2024 жылдың бірінші аптасында мың адамға шаққанда 17,7 жағдай тіркелді.
