Венесуэланың ұлттық сайлау кеңесі (CNE) жариялаған елдегі президенттік сайлаудағы дауыстарды санаудың ресми нәтижелерін сенімді деп тану мүмкін емес. Бұл – Еуроодақтың ұстанымы. Жексенбі күні ЕО-ның сыртқы істер жөніндегі жоғарғы өкілі Жозеп Боррелдің атынан тиісті мәлімдеме Еуропалық кеңестің сайтында жарияланды, деп хабарлайды inbusiness.kz сайты DW басылымына сілтеме жасап.
Мәлімдемеде халықаралық бақылаушылар Венесуэладағы дауыс беру ұйымының халықаралық стандарттарға сәйкес еместігін нақты көрсеткені, ал Венесуэла сайлау комитеті әлі күнге дейін сайлау учаскелерінен Николас Мадуроның сайлаудағы жеңісін растайтын хаттамаларды жарияламағаны айтылған.
"Оппозиция жариялаған және бірнеше тәуелсіз ұйым қараған сайлаудағы дауыс беру хаттамаларының көшірмелері Эдмундо Гонсалес Уррутияның президенттік сайлауда айтарлықтай басым дауыспен жеңіске жеткенін байқатып отыр", - делінген Жозеп Боррел мәлімдемесінде.
