Дания қоршаған ортаның ластану қаупі туындаған кезде кемелерді осындай тексеруден өткізуге құқылы. ЕО-ның бұл механизмі даниялықтарды ресейлік мұнай цистерналарына қолдануға шақырады, деп хабарлайды inbusiness.kz сайты Financial Times басылымына сілтеме жасап.
Балтық теңізі арқылы әлемдік нарықтарға жеткізілетін барлық ресейлік мұнай (Ресейдің теңіз мұнайының жалпы экспортының шамамен 60%-ы) Дания бұғаздары арқылы өтеді.
Батыс шенеуніктері қазан айында Ресей мұнайының ЕО мен G7 елдері енгізген — барреліне 60 доллардан төмен сатылмағанын мойындағаннан кейін, Брюссельде осындай ұсыныс жасалды. Ресейдің Қаржы министрлігінің мәліметтері бойынша, Орал мұнайының орташа бағасы қазан айында барреліне 81,52 долларды құрады.
Сондай-ақ, батыс компаниялары барреліне 60 доллардан төмен сатылатын ресейлік мұнайды тасымалдайтын кемелерді ғана сақтандыруы мүмкін деп болжануда. Алайда, танкерлердің саны артып келеді. Бұдан бөлек, олар шикізатты жалған қаржылық есептілікпен немесе батыстық сақтандырусыз тасымалдайды деп күдіктенеді.
