Еуропалық Одақтың нормативтік базасы ЕО сауда ережелерін бұзатын елдерге қатысты санкциялар енгізу туралы ережелерді қарастырады. Сондықтан Брюссель Украинаның ауылшаруашылық өнімдерін импорттауға біржақты тыйым салған мемлекеттерге қарсы шектеу шараларын қолдана алады, деп жазады inbusiness.kz.
"Қандай да бір мемлекет ЕО сауда ережелерін бұзған жағдайларда, Брюссель демпингке қарсы баждар немесе елге қарсы санкцияларға дейін қорғаныс шаралары сияқты сауда құралдарын қолдана алады. Біз ЕК Шығыс Еуропа елдерінің Украинадан астық импорттауға тыйым салуын сынайтынын білеміз", - деді Буххайт "Известияға".
Польша, Венгрия, Словакия мен Болгария Украинадан ауылшаруашылық өнімдерін импорттауды тоқтатты. Ресми себеп - жеткізілетін тағам құрамында пестицидтер табылған. Сонымен қатар, бірнеше ай бойы Шығыс Еуропа елдері украин тауарларының осы елдердің қоймаларын толтырып, салдарынан жергілікті фермерлердің өз өнімдерін сатуда айтарлықтай қиындықтарға тап болғанын мәлімдеді. Еурокомиссия мұндай біржақты әрекеттерді айыптап, ЕО-ның бірлестіктен тыс елдермен сауда саясаты Еуроодақтың айрықша құзыретіне жататынын ескертті.
