Нидерланды армия техникасы тізімінен алынып тасталған, бірақ әлі де қолдануға жарамды 200 бронетранспортерді жіберуге дайындалып жатыр, деп жазады inbusiness.kz Euronews-ке сілтеме жасап.
Шынжыр табанды броньды машиналар Оверейссель провинциясының Вризенвен қаласындағы цехта жөнделуде. Олардың кейбіреулері қолданылмай, қорда сақталып келген.
Еуропалық дипломатияның басшысы Жозеп Боррель ЕО-ға мүше елдерді Киевке әскери көмек жеткізуді жеделдетуге шақырды. Баррельдің айтуынша, көрсетілген көмектің ақшалай құны 13 миллиард еуродан асты.
"Украинаға 1000-нан астам зымыран, сондай-ақ оқ-дәрілер берілді. Екінші тармақ: әскери көмекті мүше елдер тағы 1 миллиард еуроға бағаланған көмек беру амалдарын аяқтап қалды. Біраз келіспеушіліктер болды, бірақ жұмыс жалғасуда. Іске толыққанды кірісу үшін құжаттың заңды күшке ие болуын күтуге уақыт шығындамаймыз",– Еуроодақ дипломатиясының басшысы Джозеп Боррель.
Дипломатия басшысының сөзін Киевке келген Эстония Премьер-Министрі Кая Каллас жеткізді. Ол Украинаны НАТО-да көргісі келетінін мәлімдеді.
"Еуропадағы бейбітшілік үшін бізге Еуропалық Одақта, НАТО-да Украинаның болғаны қажет. Бұл туралы біз бірлесе қол қойған декларацияда да айтылған. Сол себепті де мен Еуропалық Одаққа Украинаға миллиондаған артиллериялық снарядтар сатып алып, оларды тікелей Украинаға жіберуді ұсынған болатынмын", – деді Эстония премьер-Министрі Кая Каллас.
Қару-жарақтан басқа, Еуропа елдері Киевке гуманитарлық көмек жіберуді жалғастыруда.
