Еуропарламент ғимаратына коронавирус жұқтырғандар орналастырылады

668

Франция билігі Страсбургтегі ғимаратта вирус жұқтырған адамдарға қызмет көрсететін медициналық орталық пайда болатынын мәлімдеді.

Еуропарламент ғимаратына коронавирус жұқтырғандар орналастырылады

Еуропарламент коронавируспен күресу және мұқтаж адамдарға көмектесу үшін бірқатар нысандарын берді. Қазірдің өзінде екі ғимарат жергілікті билік өкілдеріне тапсырылды. Бұл туралы ҚазАқпарат Euronews-ке сілтеме жасап хабарлайды.

Жергілікті билік өкілдеріне пленарлық сессиялар өтетін Страсбургтегі және комитеттер мен комиссиялар жұмыс істейтін Брюссельдегі ғимарат тапсырылды.

Еуропарламент төрағасы Давид Сассоли бұл уақытша шара шара деп үміттенеді.

"Біз осы бір күрделі санитарлық-эпидемиологиялық жағдай кезінде біздің ғимараттарымыздың бірін үйсіз және қоғамның әлсіз топтарына ұсынуды жөн көрдік", – деді ол.

Брюссельде Гельмут Коль аттындағы корпус екіге бөлінеді. Біреуі тұрақты мекенжайы жоқ адамдарға, екіншісі үйіне баруға болмайтын ауруханалардан шығарылған науқастарға арналған. Парламент аспаздары оларды тамақтандырады.

Франция билігі Страсбургтегі ғимаратта вирус жұқтырған адамдарға қызмет көрсететін медициналық орталық пайда болатынын мәлімдеді.

"Алдағы апталарда диагностика жүргізуге болады. Бұл пандемиядан кезінде көптеген адамның тестіден өтуі өте маңызды. Аурудан емделген немесе симптомсыз жандарды оқшаулау алдағы уақытта қажет пе, жоқ па соны шешу керек", – деді Еуропарламенттің өкілі Жауме Дуч.

Наурыз айының ортасынан бастап Еуропарламент депутаттары мен қызметкерлері қашықтықтан жұмыс істеуде. Жаңа жағдайларға бейімделу өте жылдам өтті. Сырттай жалпы отырыс өткізілді, онда заң шығарушылардың 90%-ы үйден дауыс берді.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу